१५ वर्षदेखि सैनिक नजरबन्दमा रहेकी म्यान्मारकी प्रजातन्त्रवादी नेतृ आङ सान सुकी शनिबारदेखि नजरबन्दमुक्त भएकी छन् ।
रङ्गुनस्थित निवासबाट सुरक्षाकर्मी हटेपछि सुकी आफ्ना समर्थकमाझ देखापरेकी समाचार एजेन्सीहरुले जनाएका छन् । म्यान्मारका सैन्य अधिकारीले नेतृ सुकीको रिहाइ गर्ने आदेशमा शुक्रबार हस्ताक्षर गरेका थिए ।
सुकीले सन् १९९१ नोबेल शान्ति पुरस्कार जितेकी थिइन् । रिहाइअघि सुकीले राजनीतिक गतिविधिबाट अलग्याउने शर्तमा सहमति नजनाएको उनका कानुनी सल्लाहकारहरुले जानकारी दिएका छन् ।
सरकारले सुकीलाई राजनीति नत्यागेसम्म स्वतन्त्र घुमफिर गर्ने स्वतन्त्रता प्रदान नगर्ने चेतावनी दिंदै आएको छ ।
Filed under: मुलुक भित्र | Tagged: राजनीति |
टिप्पणी छोड्नुहोस्